ბუნებაში უამრავი სახის ქვა არსებობს: ძვირფასი, ნახევრად ძვირფასი და სინთეთიკური, ანუ ხელით დამუშავებული, შექმნილი.
მინერალებს, რომლებიც ბუნებაში იშვიათად გვხვდება, ძვირფას ქვებს უწოდებენ. მათ შორისაა ბრილიანტები, საფირონები, ლალები და ზურმუხტი.
ნახევრად ძვირფას ნატურალური ქვებს სამკაულების, ასევე დეკორატიული ნივთების შესაქმნელად გამოიყენებენ. მაგალითად: ამეთვისტო, ფირუზის, ქარვა, კიანიტი, ოპალი, ონიქსი, ტოპაზი, აქატი და სხვა.
ხელოვნურია და ხელით დამუშავებულია ბისერები, კრისტალები რომლებიც არანაკლებ სილამაზით გამოირჩევიან, მისი წარმოება ხდება თანამედროვე მეთოდებით და ამიტომაც მათი ფასი შედარებით დაბალია.
რა კრიტერიუმით ფასდება ძვირფასი ქვა?
ღირებულებას განსაზღვრავს სილამაზე, გამძლეობა და იშვიათობა, სადაც მოდა მნიშვნელოვან როლს ასრულებს, ხოლო თითოეული კრიტერიუმი მოიცავს რამდენიმე მახასიათებელს.
სილამაზე ვლინდება ფერის, ბრწყინვალების, ქვის თამაშისა და სხვადასხვა ოპტიკური ეფექტების პრიზმაში. მინერალი იშვიათად ითვლება, თუ საბადოები იშვიათია, თუ ქვის ზომა და ან სისუფთავე დადებითად განასხვავებს მას მისი ჯგუფის წარმომადგენლებს შორის. ძვირფასად შეიძლება ჩაითვალოს ლამაზი ფერის იშვიათი ქვა, რომელსაც აქვს მაღალი გამჭვირვალეობა, ამავე დროს, ის საკმარისად დიდია და აქვს კარგი სიმტკიცე, რაც საშუალებას იძლევა გამოიყენოს სამკაულების დასამზადებლად. ოპტიკური ეფექტების არსებობა, ასევე გავლენას ახდენს ქვის ღირებულებაზე.